-
المقادير :
- 3 كوب دقيق
2 ملعقة كبيرة حليب بودرة
2 ملعقة كبيرة زبادي
ملعقة كبيرة سكر
ملعقة كبيرة خميرة فورية
2 ملعقة كبيرة زيت
رشة ملح
ماء دافئ حسب العجين
-
الطريقة :
- في طبق كبير نخلط الخميرة والسكر والحليب البودرة والزبادي مع نصف كوب دقيق ونقلبهم كويس ونسيبهم علي جنب لمدة 10 دقايق وبعدين نضيف باقي كمية الدقيق ورشة الملح والزيت ونعجن كويس لحد مانحصل علي عجينة هشة وناعمة ، وبعدين نسيبها تخمر ساعة في مكان دافي .
_نقسم العجينة كرات متساوية الحجم ونفرد كل كرة بالنشابة أو باليد علي شكل بيضاوي مفرود ونضيف الحشوة (ممكن نخلط جبنة موتزاريلا وجبنة رومي وشيدر وطماطم وملح وفلفل وزيت زيتون ونقلبهم مع بعض ونحطهم علي المناقيش أو نخلط جبنة فيتا ونضيف عليها جبنة موتزاريلا أو رومي ونقلبهم مع بعض كويس ونضيف عليهم بقدونس مفروم أو زعتر مفروم ونحشي بيها المناقيش .
_بعد مانضيف الحشو نثني الأطراف بحيث تاخد شكل قارب وبعدين نضغط علي أطراف العجين كويس ونقفلها كويس
_نرص الفطائر في صينية مدهونة زيت بسيط أو ورق زبدة .
_ندخلها فرن مسخن مسبقاً علي درجة حرارة 200 علي الرف الأوسط لحد ماتاخد لون من تحت وبعدين نشغل الشواية لحم ماتاخد لون ذهبي جميل من فوق وبعدين نطلعا وندهن الوش بالزبدة ونغطيها بفوطة نظيفة ونسيبها تهدي شوية وبعدين نقدمها .
بالهنا والشفا
