المقادير :
نص كيلو لحمه مفرومة
٢ حبه بصل متوسطه مفرومة ناعم
حبه فلفل أخضر مفروم حار أو رومي
معلقه صغيره توم مفروم ناعم
معلقه صغيره : ملح . فلفل اسود . ٧ بهارات . كزبره ناشفه . كمون
الطريقه :
هنزل بمعلقه كبيره زيت و انزل عليها بالبصل اول لما ياخد لون انزل عليها بالتوم و الفلفل الاخضر و بعدين انزل باللحمه تاخد لون كويس و تتشرب اي سوائل انزل بقي بالبهارات و تبقي كده اللحمه جاهزه
الصلصه :
٢ كوب عصير طماطم مركز
بصله صغيره مفرومة ناعم
٢ فص توم مفروم ناعم
معلقه كبيره خل
معلقه صغيره : ملح . فلفل اسود . سكر
نص معلقه صغيره : ٧ بهارات . كزبره ناشفه . كمون
الطريقه :
هنزل بمعلقه كبيره زيت و أضيف البصل ياخد لون و بعدين انزل عليهم بالتوم
و مجرد ما ياخد لون دهبي انزل عليهم بعصير الطماطم و الخل و البهارات
و اسبها لحد لما تتسبك و تتقل و تبقي كده الصلصه جاهزه
اجيب المكرونه بقي و تكون نص سلقه احط عليها الصلصه و اقلبها كويس و احط شويه من الصلصه علي اللحمه
و اجيب بقي الطاجن احط عليه شويه لحمه و بعدين المكرونه و اضغط شويه عشان تبقي متماسكه واقفل الطاجن بورق فويل
و ادخلها الفرن يكون سخن علي درجه حراره ٢٠٠ لمده ١٥ ل ٢٠ دقيقه و يبقي جاهز .
