سر كفتة حاتى الكبابجية يتلخص اولا فى اضافة لية ضانى للحم المفروم – لاكساب اللحمة المفرومة طعامة الشوى الضانى – وثانيا اضافة ارز مطحون لمنع تسرب السوائل من الكفتة أثناء الشوى فلا تكش بل تطلع كماهى بنفس الجحم ولاتهرب منها طعامة اللحمة
- المقادير :
- كيلو لحم كندوز مفروم
ثمن كيلو لية ضانى
بصلة كبيرة
4 معالق كبيرة ارز مطحون
2 معلقة صغيرة فلفل اسود
معلقه توابل لحمه
معلقة صغيرة ملح
ربع معلقة صغيرة كبابة صينى
ثمن معلقة صغيرة قرفة
- طريقة التحضير :
- نطحن الارز فى مطحنة التوابل حتى يصير ناعم
نفرم البصلة فى الكبة ثم نصفيها عن طريق العصر وناخذ التفل للكفته وماء البصل نبل بيه ايدينا ونصبع بيه الكفته ثم نضيف الليه والرز والتوابل ونضربهم مع بعض كويس نخلطهم مع باقى اللحمة فى طبق كبير ونعجنهم مع بعض باليد كويس قوى - نترك الطبق مغطى فى الثلاجة ليلة او 8 ساعات
- نسخن فرن البوتاجاز فاضي اولاً على أعلى درجة – 250
نصبع الكفتة على اسياخ أو يد معلقة خشب مستديرة بواسطة ماء البصل ونرصهم فى صينية - نضع الصينية على عين بوتاجاز عالية كام دقيقة عشان قعر الكفتة يتلسع شوية – لإن الفرن بيسوى وش الكفتة أكثر من قعرها (هذه الخطوة مهمة وهى تؤدى الى تشميع الكفتة (لون الشوي) مما يمنعها من فقد سوائلها اثناء الشوى فتظل طرية) ثم نضع الصينية فى الفرن الساخن على الرف الاوسط
- نتركها فى الفرن الساخن على أعلى درجة لمدة 20 دقيقة – ثم نخرجها وتقدم فوراً فى طبق مفروش بالبقدونس مع سلطة طحينة
